Síðasta þriðjudag, 8. apríl, var viðtal við Einar Geirsson, fyrrverandi sjálfobðaliða hjá AUS í Brasilíu. Fréttina má finna á mbl.is. Einar Geirsson útskrifaðist úr menntaskóla árið 2006 og ákvað að taka sér námsfrí í eitt ár áður en hann hæfi háskólaná m. ?Ég byrjaði á því að leita að tungumálaskólum í Brazilíu en þangað hafði mig alltaf langað að fara. Fyrir einhverja tilviljun rakst ég á vefsíðu AUS og var fljótur að sjá að þetta væri eitthvað fyrir mig,? segir Einar en hann hélt af stað til Brasilíu í ágúst árið 2006.   ?Ég fékk starf á frístundarheimili fyrir börn úr fátækari hluta borgarinnar. Krakkarnir komu til okkar eftir skóla en þau áttu flest við einhverja erfiðleika að stríða á heimilinu. Mörg þeirra voru börn einstæðra foreldra en önnur bjuggu hjá ömmu sinni og/eða afa....

AUS hefur opnað nýja glæsilega heimasíðu. Við vonumst til að þjónusta betur áhugasama með þessum breytingum. Viðmót síðunnar er miklu einfaldara en áður, hægt er að bóka ferð beint í gegnum netið og á nýju síðunni eru fleiri og betri upplýsingar. Þetta er ekki aprílgabb, eins og sjá má. Hér til hliðar má sjá mynd af gömlu síðunni.

Mánaðarlegi hittingur AUS verður næsta miðvikudag, 2. apríl, á Café Kulture Hverfisgötu 18. Hittingurinn hefst stundvíslega klukkan 20:00 og verður eitthvað fram eftir kvöldi. Á hverjum miðvikudegi verður síðan hittingur á Café Kulture þar sem fjölþjóðlegur AUS-hópur hittist og á góða stund saman. Allir AUS-arar og tengdir eru að sjálfsögðu hjartanlega velkomnir.

Allt útlit erfyrir að AUS-gjörningurinn ?Friður og fjölmenning? verði haldinn á menningarnótt laugardaginn 16. ágúst. Þetta verður þriðja tilraun þar sem að aflýsa þurfti í tvö fyrri skipti vegna veðurs, þ.e. á Vetrarhátíð 8. febrúar og í Viðey 20. mars, þegar að kveikt var á friðarsúlunni á Vorjafndægri. Gjörningurinn er byggður upp sem táknræn útfærsla undir yfirskriftinni ?Friður og fjölmenning?. Fjölþjóðlegur hópur sendir ljósahnetti upp í himinnin með ósk um frið og samtímis verður sjónrænn leikur að friðarkertum og stjörnuljósum. Myndina tók Finnur Þorgeirsson

Í dag, miðvikudaginn 19.mars verður kveikt á listaverki Yoko Ono, Imagine Peace Tower í Viðey. Í eina viku verður friðarsúlan tendruð kl.21:00 og slökkt á miðnætti. Í tengslum við þessa friðarviku á vorjafndægri, standa alþjóðlegu sjálfboðaliðasamtökin AUS og Höfuðborgarstofa fyrir dagskrá í Viðey að kvöldi skírdags, 20. mars á vorjafndægri. Viðeyjarstofa verður opin og geta gestir fengið sér hressingu. Ljósmyndasýning á vegum ljosmyndakeppni.is verður opnuð í hesthúsinu í Viðey og einnig verður boðið upp á kennslu í næturljósmyndun með friðarsúluna sem viðfangsefni. Áður en friðarsúlan verður tendruð verða ljósahnettir sendir á loft, barnakór syngur lög frá ýmsum löndum og viðstöddum verða boðin stjörnuljós og friðarkerti. Ferðir til Viðeyjar verða farnar kl.19:00 og 20:00, frá Viðey...

AUS óskar þér, sjálfboðaliðum, mentorum, stjórnarmönnum, félagsmönnum, samstarfsaðilum og velunnurum gleðilegra páska!

Næstkomandi fimmtudag, 20. mars, sem er jafnframt Skírdagur & Vorjafndægur, verður kveikt á Friðarsúlunni í Viðey. Við það tækifæri verður dagskrá í eynni og munu AUS, Viðey og Höfuðborgarstofa verða þar með sameiginlegt dagskráratriði. Yfirskrift atriðsins er ?Friður og fjölmenning ? og er hugmyndin að vekja máls á mikilvægi þess að réttur einstaklingsins í heiminum sé virtur. Nú er bara að taka daginn frá og setja stefnuna út í Viðey. Nánari upplýsingar um viðburðinn verða birtar síðar. Mynd og eftirfarandi texti um Friðarsúluna er af www.elding.is. [Þriðjudaginn 9. október 2007 tendraði Yoko Ono ljós á verkinu Imagine Peace Tower sem reist hefur verið í Viðey. Listaverkið er tileinkað minningu John Lennons sem hefði orðið 67 ára gamall þennan sama dag] Friðarsúlan í Viðey er...

Í stað þess að hittast á fyrsta miðvikudegi mars mánaðar, verður mánaðarlegur hittingur AUS næstkomandi fimmtudag, í Cafe Cultura. Mentorar, sjálfboðaliðar, bæði glæ-nýir og aðrir sem hafa verið á landinu lengur og aðrir AUSarar eru hjartanlega velkomnir! Hittingurinn hefst stundvíslega klukkan 20:00 og verður eitthvað fram að kvöldi.