Fyrir brottför

Að gerast sjálfboðaliði í öðru landi er stór ákvörðun þú munt kynnast nýju fólki, landi, loftslagi, menningu og þarft að sýna sjálfstæði í starfi o.fl. Til þess að allt gangi sem best þarf að undirbúa sig vel fyrir brotför. Kanna þarf hvort nauðsyn sé fyrir vegabréfsáritun, bólusetningum og fleiru tengdu landinu.

Á heimasíðu landlæknis og ferdarvernd eru ýmsar nytsamlegar upplýsingar, þar eru ýmis hollráð og upplýsingar um bólusetningu.

Landlæknir tekur fram að þegar komið er á nýjan stað má búast við að fá einhverja kvilla en til að draga úr hættunni þá er best kynna sér vel nýja staðhætti og fá upplýsingar um það sem skal varast. Vatn er eitt að því sem þú þarft að huga vel að, í miklum hita er hætta á vökvatapi, reyndu því að drekka vel og auka saltneyslu samhliða því til að koma í veg fyrir vökvatap. En mikilvægt er að skoða hvaðan vatnið kemur, best er að drekka aðeins vatn sem kemur úr innsiglaðri flösku eða soðið. Ekki þyggja klaka út í drykki eða ís úr vél, ekki borða hráan mat og það á líka við um grænmeti eins að skræla alla ávexti. Hreinlætið ætti alltaf að vera í fyrirrúmi og ávallt þvo hendur áður en þú færð þér að borða eða eldar mat. Á heitum stöðum þarf að huga að húðinni, hún getur verið viðkvæm fyrir sólinni og skordýrabitum, ýmis krem eru til bæði til þess að koma í veg fyrir skordýrabit og sólbruna. Best er að hylja húðina með klæðum og nota hatt.

Bólusetning:

Ferðavernd tekur fram að það fari eftir landsvæði, dvalartíma og einstaklingi við  hverju er bólusett en það er hægt að bólusetja við lifrabólgu A og B, stífkrampa, barnaveiki, taugaveiki, mænusótt, kóleru, saurgerlaniðurgangi, mýgulusótt, japanskri heilabólgu, hundaæði, heilahimnubólgu, lungnabólgu inflúensu, mislingum, hettusótt, rauðum hundum, hlaupabólu og fleiru.

Staðir sem þurfa ekki bólusetningu er Kanada, Bandaríkin, Japan, Ástralía, Nýja Sjáland, Vestur-Evrópa, helstu borgir í Austur-Evrópu. Stutt dvöl í borgum á ýmsum öðrum svæðum eins og Jerúsalem, Telaviv, Dubai, Singapore, Kuala Lumpur, Hong Kong, Peking, Höfðaborg, Santiago, Buenos Aires er heldur ekki áhættusöm ef ferðalangurinn hegðar sér skynsamlega.
Í þessum löndum er þó hugsanlegt að dvöl á sérstöku svæði eins og í skóglendi í Mið Evrópu eða skólavist útheimti bólusetningu.

Þau svæði sem eru ekki talin upp hér að ofan þurfa bólusetningu. Mikilvægt er að koma tímanlega í bólusetningu fyrir ferð til Afríku og Suður Asíu. Ráðlegt að bólusetja fyrir ferðalög og dvöl annars staðar í Asíu, Mexíkó, Mið- og Suður-Ameríku.

Vegabréfsáritun:

Einnig þarf að athuga hvort nauðsynlegt sé að fá vegabréfsáritun áður en ferðast er til viðkomandi lands. Upplýsingar um vegabréfsáritanir má finna áheimasíðu utanríkisráðuneytisins. Athugið að hjá sendiráðum í sumum löndum þarf stundum góðan fyrirvara til að fá vegabréfsárinum. Önnur lönd veita vegabréfsáritun við komu á flugvöllinn. Í mörgum tilfellum þarf ekki vegabréfsáritun ef dvalið erí styttri tíma en 3 mánuði.

Tryggingar:

Nauðsynlegt að vera vel tryggður áður en lagt er af stað. AUS er með ódýrar tryggingar á sínum vegum og kosta þær 2000 kr. vikan, en margir eru vel tryggðir í gegnum fjölskyldutryggingar.

Hér fyrir neðan er listi sem gott er að huga að fyrir brottför.

TAKA MEÐ:

Svefnpoka eða sængurver (jafnvel silkipoka): t.d. vegna ferðlaga
Sólarkrem, sólgleraugu og hatt með börðum
Höfuðljós/vasaljós: til að lesa á kvöldin, eða fara á WC os.fr.
Moskító vörn og jafnvel ?after bite? ? kaupa erlendis þar sem vörnin sem fæst hér er ekki nógu sterk
Lítinn First aid pakka (plástrar, verkjatöflur o.fl fæst í apótekum)
Hreinar sprautu nálar sem fást í apótekum: Á aðallega við Indand og Afríku, utan stórborgar
Sýklalyf (ef þú ert gjörn á að fá blóðrubólgu)
Lyf: stoppara (Imodium), salt- sykurlausn vegna ofþornunar, Ofnæmislyf vegna flugnabita, Mildison sterkrem til að bera á bit.
Sótthreinsiklúta f. hendur, til að nota á klósett o.fl.
Handspritt í vökvaformi
Bol sem fer yfir axlir: á sérstaklega við stúlkur sem fara til Indlands, Nepal og afríku
Buxur eða pils sem ná yfir hné: á sérstaklega við stúlkur sem fara til Indlands, Nepal og afríku
Grape seed extract sem er sótthreinsandi f. ávexti og fleira og getur unnið á magaveirum - fæst í heilsubúðum
Kaupa moskítónet á Heathrow eða þegar komið er út (Á við um svæði sem moskitó eru landlæg)
Granola bar: til að hafa eitthvað til að narta í fyrstu dagana á meðan verið er að venjast matnum
Ljósrit af vegabréfi
Hafa meðferðis vatnsflösku til að drekka við komuna: svo þú þurfir ekki að byrja á því að finna vatn til að kaupa
Vera alltaf með vatn á þér
Lás til að læsa niður verðmæti
Tissue eða klósettpapír (hafa eitthvað með á þér, alltaf)

Taka með í verkefni, til fjölskyldna, barna eða þegar kynna á landið (á við Long term verkefnin)
Koma með eitthvað fyrir börnin á barnaheimilu - s.s. litabækur (ljósrita gamlar bækur því litabækur eru dýrar), penna og blýanta, hvít blöð til að krota á, liti, leikföng, föt, krítar, tannbursta, teygjur fyrir teygjó ? ekkert dýrt og flott ? Læra leiki og lög til kenna börnunum þegar ykkur er ætlað að vera með þau í einhverjum leikjum
Eitthvað fyrir fjölskylduna - smotterí, kannski nammi, ullasokka eða eitthvað íslenskt
Fyrir þau sem fara í 6 og 12 mánuði er gott að hafa eitthvað íslenskt til að sýna eða gefa á ráðstefnunni úti þegar kynna á Ísland fyrir hinum sem eru með ykkur á ráðstefnunni.

HAFA Í HUGA:
Ekki taka með skartgripi eins og eyrnalokka, hringi, armbönd, flott úr eða annað sem vekur athygli þjófa
Druslutösku (ekki nota flotta tösku sem dregur athygli)
Gott er að hafa bakpokann framan á sér í mannþröng
Alls ekki taka með eitthvað sem ekki má týnast!
Ekki þiggja mat og drykki af ókunnugum ? kaupið drykki með loki (bjór, vatn og gos)
Hafa neyðarnúmer tryggingafélags á ykkur
Mjög gott er að hafa með afþreyingu t.d. tölvu, bækur, Soduku o.s.fr. Eitthvað til að hafa að gera á kvöldin
ÁVALLT hafa neyðarnúmer AUS (+354 698 0174) og skrifstofunnar úti! Gefa foreldrum upp neyðarnúmer AUS