AUS - Alþjóðleg ungmennaskipti

4-12 mánuðir í Evrópu

There's no translation available for this item. Try a different one FRÍTT – allt greitt, uppihald, ferðakostnaður, vasapeningur o.fl. Sjálfboðaliðaverkefni í 4 til 12 mánuði (flest verkefni eru í 6, 9 eða 12 mánuði) Verkefni hefjast á ýmsum tímum ársins Tungumálanámskeið innifalið Meira en 1000 verkefni á ýmsum sviðum Gagngrunnur með verkefnum: http://ec.europa.eu/youth/evs/aod /hei_en.cfm Margir ferðast um landið eða til nálægra landa á meðan dvöl stendur (í fríinu sem þeir eiga) eða eftir að verkefni lýkur. Slappa af á fallegri strönd, klifra fjöll, taka þátt í menningarhátíðum, skoða sig um á bakpokaferðalagi svo fátt sé nefnt. Það eru ENGIN þátttökugjöld þegar farið er í verkefni sem styrkt eru af Evrópusambandinu, svokölluð EVS-verkefni (European Voluntary Service). Það er vegna þess að AUS tekur þátt í styrkjaáætlun á vegum Evrópusambandsins sem kallast "Evrópa unga fólksins" eða "Youth in Action Programme". Sjá frekari upplýsingar hér. Af og til sendum við út tölvupóst um ný og spennandi verkefni, laus verkefni eða mikilvægar tilkynningar. Ef þú vilt vera á póstlista AUS, skráðu þig þá á forsíðunni (efst í hægra horninu) eða sendu tölvupóst til skrifstofu AUS þar sem óskað er eftir því að vera á póstlistanum: ICYE@aus.is Umsóknarfrestir Á hverju ári eru 5 umsóknarfrestir sem snúa að samtökunum. Þeir eru eftirfarandi: 1. Febrúar. Er fyrir verkefni sem eiga að hefjast á tímabilinu 1.maí til 30.september 1. Apríl. Er fyrir verkefni sem eiga að hefjst á tímabilinu 1. júlí til 30.nóvember 1. Júní. Er fyrir verkefni sem eiga að hefjast á tímabilinu 1. september til 31.janúar 1. September. Er fyrir verkefni sem eiga að hefjast á tímbilinu 1. desember til 30. apríl 1. Nóvember. Er fyrir verkefni sem eiga að hefjast á tímabilinu 1. febrúar til 31.júlí Þessir umsóknarfrestir eiga við samtökin sem sækja um að fá styrk fyrir verkefni en ekki sjálfboðaliðann. Það getur tekið tíma að vinna úr umsóknum og því miklvægt að senda þær með góðum fyrirvara, oft a.m.k. mánuði fyrr. Því meiri sem fyrirvarinn er, því líklegra er að þú eigir möguleika á því að fá það verkefni sem þú hefur áhuga á. Umsóknarferilinn Þegar sótt er um þarf að byrja á því að fylla inn umsókn á netinu sem er gert hér vitum að þú hafir áhuga að fara í EVS verkefni og getum staðfest það ef móttökusamtökin hafa samband við okkur. Á þessu stigi höfum við ekki samband við þig, en þér er velkomið að hafa samband við okkur ef þú ert með einhverjar spurningar. Það sem þú gerir næst er að fara á gagnagrunnssíðu EVS-áætlunarinnar (eða skoða Evrópukortið) og velja þér verkefni. Þú getur flokkað verkefni eftir landi, þema, lengd og ýmsu öðru. Þegar þú hefur fundið áhugavert verkefni, skaltu hafa samband við ábyrgðaraðila þess til þess að athuga hvort verkefnið sé laust. Þar skal koma fram númer og heiti verkefnisins, hvenær þú getur hafið sjálfboðastarfið og hversu lengi þú getur verið í verkefninu. Einnig þarf að taka fram að AUS- ICYE Iceland séu sendisamtökin. Lengd verkefna kemur yfirleitt fram í verkefnalýsingu og þar kemur einnig fram netfang og sá kontaktaðili sem þú átt að hafa samband við. Ásamt þessum upplýsingum skal senda eftirfarandi skjöl (á ensku!): Umsóknareyðublað útfyllt ( sem má nálgast hér). Ferilskrá (CV) þar sem tekið er fram menntun, fyrri störf og reynsla sem getur nýst viðkomandi. Dæmi um hvernig er hægt að setja upp ferilskrá má finna hér og hér. Fylgibréf (Motivation letter) þar sem fram koma ástæður þess að vikomandi sækir um sem sjálfboðaliði, hvaðumsækjandi telur sig hafa fram að færa sem geti nýst við sjálfboðaliðastörf, hver áhugamálin eru o.s.frv. Bréfið skal vera ½ -1 blaðsíða. Dæmi um hvernig er hægt að setja uppfylgibréf má finna hér og hér. Gagnagrunnur Evrópu áætlunarinnar Hér má finna verkefni evrópuáætlunarinnar. Athugið að það er mikilvægt að vanda vel til þeirra gagna sem send eru til mótttökusamtakanna því margir sækjast eftir því að komast í EVS verkefni, og því mikilvægt að umsóknin sé vel úr garði gerð. Einnig borgar sig að velja nokkur verkefni, 10 eða fleiri, þar sem fleiri umsóknir auka líkurnar á því að fá jákvætt svar, alla vegana frá einum móttökusamtökum. Einnig skaltu senda tölvupóst til skrifstofu AUS (aus@aus.is) með lista yfir þau verkefni sem þú hefur sótt um svo við getum fylgst með framvindunni og vitum hvað er að gerast ef móttökusamtök hafa samband við okkur beint. Með þeim lista skal fylgja umsóknareyðublaðið, ferilskráin og fylgibréfið. Ef móttökusamtökin gefa jákvætt svar, skaltu láta skrifstofu AUS vita og við hefjum umsóknarferlið og fylgjum umsókninni eftir. Þegar umsóknin hefur verið tekin gild og staðfest er boðað til viðtals á skrifstofu AUS þar sem farið er yfir næstu skref og boðið uppá fyrirspurnir. Fyrir brottför þurfa allir að mæta á undirbúningsráðstefnu sem "Evrópa unga fólksins" heldur.