Færslur

aus.is - Tansania

Tansanía

Tansanía er land í Austur-Afríku. Indlandshaf liggur að landinu í austri og landamæri þess liggja að Keníu, Úganda, Rúanda, Búrúndí, Kongó, Sambíu, Malaví og Mósambík. Kilimanjaro, hæsta fjall Afríku er að finna í Norðaustur Tansaníu. Sansibar eyjar eru vinsæll og gífurlega fallegur áfangastaður sem liggja meðfram strönd Tansaníu.  Stór hluti Viktoríuvatns, sem er stærsta stöðuvatn afríku, liggur í norðurhluta Tansaníu, en umhverfið í kringum vatnið er mjög fallegt. Landið er 947,303 fermetrar og fólksfjöldinn er um 52 milljónir og þykir því landið mjög þéttbýlt. Opinber tungumál Tanzaníu eru Swahili og enska en þar eru líka töluð tungumál frá öllum tungumálafjölskyldum Afríku.

Tansanía er fjölbreytt land og samanstendur af ýmsu m kynþáttum og þjóðfélagshópum. Inngrip Evrópskra þjóða inní Tanzaníu byrjaði á 19 öldinni þegar Þýskaland stofnaði Þýsku Austur-Afríku sem varð svo að Breskri nýlendu eftir fyrri heimstyrjöldina. Árið 1964 var svo þjóðin Tansanía sjálfstætt ríki eins og heldur því enn þann daginn í dag.

Umhverfi og dýralíf Tansaníu minnir einna helst á David Attenborough heimildarmynd eða Konung Ljónanna, allt frá fílum og blettatígrum til antilópa og bavíana. Maður þarf helst að klípa sig til að átta sig á hvað bæri á fyrir framan augun á manni, alveg hreint stórkostlegt.

Hvernig fer ég þangað:
Sjálfboðaliðastörf í Mósambík með AUS eru í boði í gegnum Steps og Long term verkefnin.
• Steps verkefnin eru í boði í 2 til 16 vikur og hefjast flest alla mánudaga.
• Lengri tíma verkefnin eru í boði í 6 eða 12 mánuði og er brottför í janúar og ágúst á ári hverju.

Verkefni:

  • Kennsluverkefni
  • Munaðarleysingjahæli
  • Félagsheimili fyrir börn sem eiga erfitt heima fyrir
  • Á heimili fyrir andlega fötluð börn
  • Í samtökum sem veita aðstoð með heimaþjónustu, heimakennslu og heilbrigiðismál
  • Í samtökum sem berjast fyrir og veita fræðslu um bætta heilbrigðisþjónustu, fyrir menntun og gegn fátækt.

Nánari upplýsingar um verkefnin má finna hér: ICYE en einnig með því að senda tölvupóst á icye@aus.is.

 

Þátttökugjöld:

Long Term – Lengri tíma verkefni:
6 mánuðir: 620.000.- kr.
12 mánuðir 900.000.- kr.

Steps – styttri tíma verkefni:
Fyrstu 4 vikurnar: 150.000 krónur
Hver vika eftir það: 25.000 krónur
Dæmi: 10 vikur: 300.000 krónur

 

Heimasíða samtakanna í landinu:
Heimasíða Untied Planet samtakanna í Tansaníu: United Planet Tansanía

 

aus.is, Kenya

Kenýa

Kenýa er land í heimsálfunni Afríku með höfuðborgina Nairobi. Íbúafjöldi í landinu öllu er yfir 40 milljónir en aðeins 4 milljónir manna hafa atvinnu, 30% þeirra eru kvenmenn. Þjóðartekjur landsins byggjast að mestu á landbúnaði og ferðamennsku.

Fyrsta tungumál Kenýabúa er þeirra eigið ættbálkatungumál en opinber tungumál eru Swahili og enska. Langflestir Kenýubúar eru kristnir en þó má finna önnur trúarbrögð innan landins.

Í Kenýa má finna „Hin stóru fimm“(„Big five“) dýr; ljón, hlébarði, nashyrningur, fíll og buffalo en í landinu er stórfenglegt dýralíf.

Kenýa er einstaklega fallegt land þekkt fyrir ótal þjóðgarða sína. En þar er einnig fallegt landslag, strendur og menning sem vert er að upplifa

 

Hvernig fer ég þangað:
Verkefni í Kenýa eru bæði í boði í Long Term og Steps verkefnum

  • Long term verkefni eru í 6 eða 12 mánuði og hefjast í janúar eða ágúst á hverju ári.
  • Steps – Styttri tíma verkefni eru í 2-16 vikur og hefjast alla mánudaga

 

Verkefni:

  • Leikskóli
  • Skóli
  • Skóli fyrir fatlaða
  • Vinna í fátækrahverfum með t.d. götubörnum eða með atvinnulausum
  • Munaðarleysingjahæli
  • Handverkstæði
  • Bókasafn
  • Sérstakt verkefni sem má innleiða í ákveðin svæði(eftir þinni hugmynd)
  • Herferðir bólusetningu
  • Upplýsingafundir um getnaðarvarnir og rétta heilsugæslu
  • Sjálfboðaliði á sjúkrahúsi

 

Gistiaðstaða:

Fer eftir verkefnum hvað er í boði en oftast er það hjá fjölskyldu eða í húsnæði verkefni sjálfboðaliðans. Ekki er sjaldgæft að þurfa deila herbergi  með öðrum sjálfboðaliðum.

 

Þátttökugjöld:

Lengri tíma verkefni (m.a. innifalið: tryggingar,tungumálakennsla, fæði og húsnæði, vasapeningur o.fl.)

6 mánuðir: 620.000 – kr

12 mánuðir: 900.000- kr

 

Steps – styttri tíma verkefni

Fyrstu 4 vikurnar: 150.000- kr

Hver vika eftir það 25.000 – kr

 

Til viðmiðunar: Samkvæmt reiknivél Velferðarráðuneytis fyrir neysluviðmið (https://www.velferdarraduneyti.is/neysluvidmid/) er mun dýrara að lifa á Íslandi í ár heldur en að gerast sjálfboðaliði með AUS.

Hafðu samband við skrifstofu AUS varðandi frekari upplýsingar HÉR

 Heimasíða samtakanna í Kenýa:  http://icyekenya.org/

Indland, aus.is

Indland

Indland er stórt land í Asíu. Landið skiptist í mörg héruð og er menning landsins jafn mismunandi og héruðin eru mörg. Hvert og eitt hérað heldur upp á sína menningu. Menningu landsins má rekja aftur um 5000 ár og má segja að menningararfur Indverja sé með þeim eldri í heiminum.

Höfuðborg landsins er Nýja-Delí og eru opinber tungumál enska og hindí. Indland er annað fjölmennasta land í heiminum á eftir Kína, en íbúar landsins eru yfir 1 milljarður. Þrátt fyrir þennan íbúafjölda er Indland sjöunda stærsta land í heiminum. Stærstur hluti íbúa er Hindúatrúar. Í jafn fjölmennu landi og Indlandi eru ótal tungumál töluð. Hver og eitt hérað á sitt eigið tungumál.

Indland er þekkt fyrir góðan mat, og nota Indverjar allskyns krydd og annað til að bragðbæta matinn. Menningin og fatnaðurinn er ákaflega fallegur og gerir landið að áhugaverðum stað til að heimsækja.

Hvernig fer ég þangað:

Verkefni í Indlandi eru bæði í boði í Long Term og Steps verkefnum

  • Long term verkefni eru í 6 eða 12 mánuði og hefjast í janúar eða ágúst á hverju ári.
  • Steps – Styttri tíma verkefni eru í 2-16 vikur og hefjast alla mánudaga

 

Verkefni:

Verkefnin eru flest öll í héraðinu Karnataka og í höfuðborg héraðsins; Bangalore.

  • Vinna á barnaheimili fyrir munaðarlaus börn eða börn í fátækt.
  • Enskukennsla
  • Kennsla í skólum fyrir börn með færri tækifæri
  • Vinna í skóla fyrir börn með fjölfatlanir
  • Allskyns verkefni í frjálsum félagasamtökum, mörg verkefnanna ná til barna og kvenna í erfiðum aðstæðum og mannréttindamála. Sum verkefnanna henta félagsráðgjöfum vel
  • Vinna í athvarfi og skóla fyrir götubörn
  • Vinna á heimili fyrir aldraða
  • Hjá félagasamtökum sem berjast fyrir réttindum barna
  • Á heimili fyrir konur með fatlanir
  • Vinna í félagasamtökum fyrir börn með CP fötlun.
  • Vinna í góðgerðasamtökum fyrir andlega veikt fólk, heimilislaust fólk, fíkla og aðra sem eiga sárt um að binda.
  • Vinna með heimilislausum
  • Vinna í tónlistarskóla
  • Vinna í dýraathvarfi
  • Ýmiskonar kennsla í skólum, tölvukennsla, leiklist, eða hvar sem styrkleikar sjálfboðaliðans liggja
  • Vinna í heilsuverkefni fyrir fólk með HIV/AIDS
  • Verkefni í félagasamtökum sem stuðla að heilsu og uppbyggingu kvenna sem verða útundan í samfélaginu – fjölbreytt vinna sem leitar eftir hjúkrunarfræðingum eða nemum
  • Vinna í félagasamtökum sem stuðla að aðstoð og endurhæfingu fyrir fólk með holdsveiki,HIV/AIDS og fatlanir.

 

Þátttökugjöld:   

Lengri tíma verkefni (m.a. innifalið: tryggingar,tungumálakennsla, fæði og húsnæði, vasapeningur o.fl.)

6 mánuðir: 620.000 – kr

12 mánuðir: 900.000- kr

 

Steps – styttri tíma verkefni

Fyrstu 4 vikurnar: 150.000- kr

Hver vika eftir það 25.000 – kr

 

Heimasíða samtakanna í landinu:

ICDE India: www.icdeindia.org/

 

aus.is, mexikó

Mexíkó

 

Með landamæri að Bandaríkjunum, Guatemala og Belize liggur land uppfullt af eldfjöllum, pýramídum, dýrum og allskonar fólki. Landslagið í Mexíkó á margt sameiginlegt með því íslenska með miklu hálendi, virkum eldfjöllum, heitum náttúrulaugum og fossum. Þó er margt fleira að finna í jafnstóru landi sem Mexíkó er, en það er u.þ.b. 19 sinnum stærra en Ísland eða 1,972,550 ferkílómetrar.

                Fólkið í Mexíkó er líka aðeins fleira en á Íslandi eða um 125 milljónir. Fólkið er fjölbreytilegt, af ýmsum kynþáttum, býr við mismunandi aðstæður og talar mismunandi tungumál. Spænska er opinbert tungumál í landinu en alls eru töluð 68 tungumál þar (sjá nánar um þetta: https://en.wikipedia.org/wiki/Languages_of_Mexico ). Tungumálin eru komin frá frumbyggjum landsins og mest talaða og frægast þeirra er Náhatl sem kemur frá Aztekunum. Nafnið “Mexíkó” kemur úr Náhatl og er gróflega þýtt á íslensku sem nafli tunglsins.

        Menning landsins er fjölbreytileg og mismunandi milli landsvæða. Þar eru bæði nútímalegar stórborgir sem og strjálbýl landssvæði þar sem fólkið lifir á sjálfsþurftarbúskap. Matarmenningin er fjölbreytileg en inniheldur þó í flestum tilfellum mikið af chilli.

        Þeim sem fara sem sjálfboðaliðar til Mexíkó gefst tækifæri á því að verða hluti af öðrum menningarheimi, læra spænsku og kynnast fólki.

 

Ambassadors:

Viltu vita meiri upplýsingar um lang og menningu í Mexíkó?

-Hafðu samband við fyrrum sjálfboðaliða og dembdu á hann/hana spurningum.

 

Heiða Vigdís Sigfúsdóttir – Sjálfboðaliði í Mexíkóborg 2012-2013 hjá samtökum fyrir heimilislausa stráka, Pro ninos de la calle.

heidavigdis@gmail.com

Heiða segir að fara í sjálfboðastarf til Mexíkó er eins og að sogast inn í ævintýri:  „Í fyrstu var ég bara áhorfandi en fljótt varð ég að þátttakanda sem talaði spænsku, dansaði salsa og borðaði chillí í hvert mál.“  „Á Íslandi hlakkaði ég alltaf til að það kæmi föstudagur en hér í Mexíkó hlakka ég alltaf til mánudags“ – Stendur í dagbókinni minni frá því ég var sjálfboðaliði í Mexíkóborg. Í verkefninu Pro ninos de la calle eyddi ég mörgum dögum og vikum að labba um borgina í leit af heimilislausum strákum og kynntist hverjum krók og kima af borginni. Á föstudögum fórum við svo í vettvangsferðir á söfn eða í sundlaugagarði svo dæmi séu nefnd.

Myndband frá Heiðu:

 

 

Björk Sigurðardóttir – Sjálfboðaliði í Ocotlán, Jalisco 2013-2014 í leikskólanum Jardin de Ninos Joaquin Figueroa.

bsigurdardottir@gmail.com

“21 árs frá Ísafirði. Fór út því ég vildi upplifa eitthvað nýtt og spennandi og var ekki tilbúin að fara í háskóla strax eftir menntaskóla.”

 

Í september á hverju ári eru svokölluð „fiestas“ í bænum sem ég bjó í, Ocotlán í Jalisco fylki í Mexico. Kvöldið sem þetta myndband er tekið upp er sennilega fyrsta kvöld af 14 í þessum svokölluðu fiestas og eftir að hafa horft á marga klukkutíma skrúðgöngu, leigði vinkona mín banda hljómsveit og við dönsuðum úti á götu fyrir utan heimilið hennar. Svo byrjaði að rigna á fullu, eins og helt væri úr fötu, en við héldum áfram að dansa þrátt fyrir að blotna alveg í gegn! Virklega skemmtilegt kvöld og ekta mexíkóskt! 🙂

 

Reynslusögur:

Viðtal við Mörtu Mirjam um AUS og reynslu sína í Mexíkó:

„Ég fór út með því hugarfari að bjarga heiminum, en komst fljótlega að því að ég er ekki þess megnug að breyta lífskjörum og menningu þessara barna. Ég var nítján ára gömul þegar ég fór út og mér fannst mjög skrýtið að standa inni á barnaheimilinu, þar sem 60 börn voru vistuð og vera kölluð mamma úr öllum áttum.”

http://bleikt.pressan.is/lesa/50araafmaeliaushvortermikilvaegarapeningaredaast/

Og viðtal við Mörtu:
https://youtu.be/X6Ukf8wfDAs

Dagný bloggaði um dvölina sína í Mexíkó 2015:

„Á sólríkum degi(sem er hver einasti dagur)finnst mér yndislegt að labba í strætó, sem er svo troðfullur að þú ert hálf út eða undir handakrikanum á næsta manni en grínlaust þá finnst mér það æðislegt! Hlusta á mexíkóska banda tónlist í útvarpinu og fylgjast með fólkinu. Ganga svo niður miðbæ Guadalajara, stoppa frá sér freska ávexti á götubás. Halda áfram gegnum markaðinn. Stoppa til að fá sér misheppnaðan dredda. Lenda í spjalli við 65 ára mann á bekknum sem býður þér í mat heim til sín, hann meinar það ekki endilega en það skiptir engu(HANN SKILDI SPÆNSKUNA ÞÍNA VÚHÚ!)! Halda áfram niður götuna, fylgjast með lífinu sem er ó svo yndislega skrautlegt. Dansatriði, leikatriði, heilarar að bjóða þér heilun á götunni. Svo stoppar kona þig og býður þér frían túristagöngutúr og bjór eða safa. Á þeirri leið kynnistu fleira fólki sem býður þér í veislu. Þar kynnistu fleira fólki og lærir meira um mexíkóska menningu. Týpískur laugardagur. Ég dýrka þetta!“

https://dagsvein.wordpress.com/

 

Heiða Vigdís um dag í lífi sínu í Mexíkó:

Í lestinni var örugglega fleira fólk en í miðbæ Reykjavíkur í gleðigöngunni. Þröngt mega sáttir sitja eða réttara sagt standa í þessu tilfelli, sem kom sér mjög vel þegar lestin snarhamlaði og ég haggaðist ekki.”

http://hitthusid.is/skapadu-aevintyri/

Hólmfríður fór til Mexíkó á vegum AUS:

 

 

Hvernig fer ég þangað:
Sjálfboðaliðastörf í Mexíkó með AUS eru í boði í gegnum Steps og Long term verkefnin.

• Steps verkefnin eru í boði í 2 til 16 vikur og hefjast flest alla mánudaga.
• Lengri tíma verkefnin eru í boði í 6 eða 12 mánuði og er brottför í janúar og ágúst á ári hverju

Verkefni:

Í Mexíkó er fjöldinn allur af verkefnum á mismundandi stöðum í landinu. Verkefnin eru samfélagstengd og mörg þeirra tengd börnum. Meira um verkefnin má finna á gagnagrunni ICYE: http://www.icye.org/volunteerwithicye/longterm/?projectdb[view]=project&projectdb[country]=00000010161

Þátttökugjöld:

6 eða 12 mánuðir með ICYE Long term.

(Innifalið í þátttökugjaldi er  meðal annars matur, húsnæði, tryggingar og vasapeningur á meðan að á dvöl stendur)

Staðfestingargjald er 25.000.- kr. og er hluti af upphæð þátttökugjalda

6 mánuðir:   570.000.-   kr.

12 mánuðir   790.000.- kr.

Steps

Fyrstu fjórar vikurnar    150.000.-  kr.

Hver aukavika:                25.000.-  kr.

 

Heimasíða samtakanna í landinu:

www.siijuve.org