ÞÁTTTÖKUGJÖLD Í STEPS – STYTTRI TÍMA VERKEFNUM
Styttri tíma verkefnin eru á bilinu 2 til 16 vikur
Innifalið í þátttökugjöldum er:
• Undirbúningsfræðsla.
• Fæði og húsnæði.
• Móttaka á flugvelli erlendis.
• Aðgangur að stuðningskerfi og öryggisnet AUS/ICYE.
• Aðstoð við undirbúning ferðarinnar auk aðstoð erlendis s.s. við útvegun vegabréfsáritana ofl.
• Foreldrafræðsla fyrir foreldra sjálfboðaliðans fyrir þá sem það kjósa.
• Heimkomufundur á dvöl lokinni.
Ekki innifalið:
• Læknisvottorð.
• Bólusetningar.
• Ferðakostnaður til og frá áfangastaðar í dvalarlandi.
• Ferðir á eigin vegum.
• Dvalaleyfi/Vísakostnaður
• Sjúkra- og slysatryggingar.
*ATH: Við getum ekki borið ábyrgð á dvalaleyfi viðkomandi.
Varðandi tryggingar:
Hægt er að kaupa tryggingar í gegnum AUS hjá hinu alþjóðlega tryggingarfélagi Allianz í Berlín (þar sem við tryggjum alla þá sem fara í 6-12 mán. verkefni).
Kostnaðurinn er 8.000 kr. fyrir hvern mánuð.
Varðandi ferðakostnað:
Flug og annar ferðakostnaður er ekki inní þátttökugjöldum þar sem margir sjálfboðaliðar vilja sjálfir sjá um að finna og ganga frá sínu ferðalagi. Einnig er það betra að sjálfboðaliðinn hafi umsjón með þessu ef hann ákveður seinna að breyta sinni ferðaáætlun. Fyrir þá sem kjósa heldur að skrifstofa AUS sjái um að finna og bóka flug til áfangastaðar geta þeir óskað eftir því fyrir greiðslu kr. 9.900, – sem til fellur vegna þeirrar aukalegu vinnu sem það krefst.
ATH!
Þegar pantað er flug, vinsamlegast hafið komudag EKKI um helgi, nema að annað sé sérstaklega tekið fram af AUS skrifstofunni. Eins er gott að “googla” frí og helgidaga í því landi sem þú ætlar að ferðast til. Þetta er gert til að koma í veg fyrir að þú lendir á dögum þar sem allir eru í lögbundnu fríi. Skrifstofur og verkefni eru oft lokuð um helgar og á lögbundnum frídögum. Eins mælum við með því að lendingartími flugmiðans sé á dagtíma þegar komið er á áfangastað eða á milli 07:00 til 18:00.
